ایران ې درملکی ٹلیویژن برتانیایا بند کۏت

گارڈین حالتاک ې ردا ایران ې شنگ کۏتگیں انگریزی زبان درمۏلکی ٹلیوېژن برتانیایا بند کۏت. چدا ساری اېشی ملام ھم بیتگ. ٹلیویژن میاریگ کنگ بیتگ که ایران ې بندیگیں مردمانی گپ ېی ضبط ۏ شنگ کۏتگ اَنت. لاېسنس شنگ کنوکیں برتانیایی اداروا گۏشتگ که بندیگ په زور گپ پرماېینگ بیتگ اَنت.

ایران ې کوشگ بیتگیں جوھری ساینسدان امریکا مۏردہ باد دانکانی گوڑا کل کنگ بوت

کۏشگ بیتگیں ایرانی ساینسدان مۏصطفا احمدی روشن مرچی ماں تھران ”امریکا مۏردہ باد“ دانکانی گوڑا کل کنگ بوت۔ لھتے مردۏم دانک کوکار کنگا اَتنت ”من کۏشوں ھمایاں کہ منی برات اش کۏشتگ.“ کل کنگ ې میڑیا ھمراھیں مردۏمانی گیشتریں بھر پاسدار ۏ بسیجی اَتنت۔

ایران ې یک دگہ جوھری ساینسدانے مرچی کۏشگ بیتگ

ایران ې جوھری ساینسدانے مرچی ماں تھران کۏشگ بیتگ. آېی ې گاڑیا دۏ پرپٹ سواراں راہ رواجی بمبے لچّینتگ ۏ بمب رسگا ترکتگ۔ ایشی ې سببا مۏصطفا احمدی روشن نامیں 32 سالگیں ساینسدان جاہ پہ جاہ کۏشگ بیتگ۔ ایرانا پیسری کوشانی ڈولا ایشی ې میارباری ھم اسراېیلی چاریگانی سرا لڈتگ۔ چدا ساری گوَستگیں سالا ھمے ڈولا یک ساینسدانے کۏشگ بیتگ اَت۔ گارڈین

پہ امریکاءَ چاریگیءِ میارا یک ایرانی نسل امریکاییءَ مرگءِ سزا دیگ بوت

ایرانی دادگاہءِ قاضیےءَ پہ امریکاءَ چاریگی کنگءِ میارا یک ایرانی نسلءِ امریکایی مردمےءَ درنجگءِ حکم داتگ۔ امیر حکمتی نامیں 28 سالگ میاریگ کنگ بیتگ کہ آییا شہ امریکاءَ فوجی و دگہ ھنر ھیل کتگ، پدا عراق و افغانستانءِ تھا ھستیں امریکایی بنجلانی تھا وتی ھیل کتگیں ھنر ئی چکّاستگ اَنت، و رندا پہ امریکاءَ چاریگی کنگءِ مقصدا ایرانءَ پُترتگ۔ ایرانی راڈیوا سزاءِ حالا شنگ کناں فیصلہءِ رمس پاشک نہ کتگ۔ میاریگیں مرد امریکاءَ شہ ایرانی پت و ماتےءَ ودی بیتگ۔ وتی بلّوکءِ چارگا ایرانءَ شتہ بیتگ کہ اودا دستگیر اِش کتگ۔ گارڈین

ایرانی بلوچ ماھیگر کہ امریکاییاں شہ دریایی دۏزاں رکّینتگ اَنت

مغربی بلوچستان ې بلوچ ماھیگر کہ 45 روچ ساریا زری دۏزاں آوار جتہ بیتگ اَنت ۏ ایرانی واکاں پہ وت نہ زۏرتہ بیتگ اَنت، امریکاېی فوجیاں رکّینتگ اَنت۔ رکّینگ بیگا پد یک بلوچ ماھیگرے گوں امریکاېی فوجیےئا دل پہ دل بیگا اِنت ۏ آېی ې منّتاں گرگا اِنت۔

امریکایی واکاں دریایی دوزانی آوار جتگیں 13 ایرانی رکّینت اَنت

شہ امریکایی زری گراب ”یو اس اس کیڈ“ءَ چست بیتگیں بالگردےءَ یک کِشتیے دیستگ کہ آییا ایرانءِ بیرق ٹال کتہ بیتگ۔ ھمے درگتا کِشتیا پہ کمکا کلوےءِ راہ داتگ۔ امریکایی واکاں کشتی پٹاستگ و سرپد بیتگ اَنت کہ 13 ایرانی مردم دریایی دوزانی 15 کسی ٹولیےءَ آوار جتگ اَنت۔

انٹرنٹ کارمرز کنوکانی خلافا ایرانءِ نوکین توجیل

ایرانءَ انٹرنٹ کارمز کنوکانی آزادیا دارگءِ پڑا نوکیں راھبندے رواج داتگ۔ ایشیءِ ردا سرجمیں انٹرنٹ کیفے حکم دیگ بیتگ اَنت کہ کیفے آنی تھا کیمرہ بہ جن اَنت و آیوکیں سرجمیں مردمانی نام و ڈس نشاناں ثبت بہ کن اَنت۔

میانملکی بندش ایرانءَ چونڈک پاچگا اَنت: امریکا

بی بی سیءِ شنگ کتگیں حالےءِ ردا امریکاءَ گشتگ کہ ایرانءِ بیمتراپ اے راستیا شون دی اَنت کہ میانملکی بندشاں ایران اش چونڈک پاچک بنا کتگ۔ ایرانءِ فوجی کماندارا بیان داتگ ات کہ امریکاءِ زری جنگی گراب شہ ھرمز تنکا مہ گوَزیت۔

ایرانءَ گوستگیں 9 ماھاں 6000 گیگاواٹ برق ھمساھگیں ملکاں داتگ

ایرانءِ تواناییءِ وزارتا گشت کہ گوستگیں 9 ماھاں 6000 گیگاواٹ واٹ برق ایرانءَ ھمساھگیں ملک عراق، پاکستان، افغانستان، ترکی، ارمنی، آذرباییجان و ترکمنستانءَ داتگ۔ سرجمیں حال انگریزیءَ

ھرمز تنکءَ بندگءِ کارکردا ما اوپار نہ کنیں: امریکا

امریکاءَ گشت کہ ھرمز تنکءَ بندگءِ کاکرداں اوپار کت نہ کنت و آییءِ زری فوج پہ راہءِ پاچ کنگا مدام ساڑی اِنت۔ امریکاءِ اے گپ ایرانءِ جوابا درشان کنگ بیتگ۔

ھرمز تنْکءَ بندگ چوش کہ گلاسے آپ ورگا آسان اِنت: ایران

ایرانءِ زری فوجءِ کماندارا گشت کہ اگر ضروری بوت، گڈا آ ھرمز تنْکءَ بند اَنت و اے کار چوش کہ گلاسے آپ ورگا آسان اِنت۔ ”البت، ھنّی مارا اے راھا بندگءِ ضرورت نہ اِنت، پرچاکہ سرجمیں عمان زر مئے دستا اِنت“ کماندار حبیب اللہ سیاریءَ گوں سرکاری ٹلیوژنءَ گشت۔

ایرانءِ کرد 9/11ءَ چے بیتگ؟

11/9 ءِ بیڑ بر ایرانءِ راھا افغانستانءِ تربیت جاھاں شتگ اَنت، بلہ ایرانءَ آوانی پاسپورٹاں مھر نہ جنگ دانکہ امریکایی ویزا گرگا آواں دلسیاھی مہ بیت۔ اے مردم لبنانءِ حزب اللہءَ درگپتگ و القایدہءَ داتگ اَنت۔ دویچہ ویلہ ویبسایٹا شنگ بیتگیں حالا دیمترا سرکچ داتگ کہ ایرانءِ مذھبی پیشونک شہ پیسرا سھیگ بیتگ کہ ورلڈ ٹریڈ سینٹرءِ سرا بیڑ برگ بیگی بیتگ۔ علی خامنہ ای اش بیوکیں حملہءِ باروا 14 مئی 2001ءَ سھیگ کتگ۔ شہ ایشی رند علی خامنہ ایءَ وتی ملکءِ واکدار سوج داتگ اَنت کہ گوں القایدہ و لبنانءِ حزب اللہءَ وتی رابطواں کم بہ کن اَنت۔ سرجمیں فارسی حال

دگہ راھانی بند بیگا پد پہ کاربارا ایرانءَ دیم گوں افغانستانءَ کت

ھندوستانءَ شہ چابھار تانکہ افغانستانءِ پرگنگ بامیانءَ ریل راھے جوڑ کنگءِ منصوبہ کتگ

شما کہ باز گش اِت، زنا کارا سنگسار نہ کنیں، بلہ درنجین ئی؛ ایران

ایرانءَ ماں احواز دو عیسایی ملا دستگیر کت اَنت

ایرانی واکاں ماں احواز سرجم کتگیں عیسایی مراگشےءَ بیڑ برتگ و مراگشءِ سرجمیں مردم دستگیر کتگ اَنت۔ البت، رندترا دو سروکاں ابید آدگہ پھکیں مردم یلہ دیگ بیتگ اَنت۔ دارگ بیتگیں دویں کس مرد و جن اَنت۔

دستگیریں مردمانی سنگتےءَ گشتگ ”فرھاد سبکروح و آیی جن شھناز جمعہءِ صحبا ماں احواز مراگشےءَ سروکی کنگا بیتگ اَنت کہ پولیسءَ بیڑ برتگ۔“

امریکا 9/11 بیڑا کشگ بیتگانی خون بھاءَ شہ ایرانءَ لوٹوک اِنت

پاکستان و ایرانءَ گچینکاریءِ چنلانچ بیگا اِنت

پاکستان و ایرانءِ واکدار وتا پہ آیوکیں گچینکاریاں ساڑی کنگا اِنت۔ اے ردا انٹرنٹی حالجاہ ‘دی نیشنل‘ءَ دات کہ پاکستانءِ کلانتریں دادگاہءِ سریں قاضیا ووٹ دیوکانی لڑا ساری کنوکیں تکءِ سروک سکین داتگ کہ شہ 23 فروری 2012ءَ ساری لڑا ساڑی بہ کنت۔ قاضی افتخار چودھریءَ گشتگ کہ ووٹ دیوکانی ھنیگیں لڑا صدا چل دروغیں نام ھوار اَنت، پمیشا ایشاں در کنگ و نوکیں لڑے ساڑی کنگ بہ بیت۔

نشوی درمانءِ دیما دارگءِ واھگا ایرانءَ داتگیں میانملکی کمک انسانی حقانی پادمالیا کارمرز مہ بیت: امنسٹی انٹرنشنال

مغربی بلوچستانءَ سئے گاڑیانی ڈیک ورگا دو ڈرایور کشگ بوت اَنت، دگہ حالے کہ زاھدانءَ 107 کیلو نشوی درمان گرگ بیتگ

امریکاءَ شہ ایرانءَ وتی ڈرون گراب لوٹ ات، ایرانءَ پسہ دات ایشی نیں ایرانءِ مِلکت اِنت