بلوچی نیوز / بلوچی حال ې نوکیں جاگه فیسبوک انت.

سوشل رسانکانی دیمرئی ې برکتا، مرچاں حالرسانی آسیدگ بیتگ. پمېشا اے بلاگا نوکیں حال شنگ کنگ ې بدلا نوکیں حال و لیکه فیسبوک بلوچی نیوز گروپا شنگ بیگا انت. اگر واهوک إت، باسک جوڑ به بی إت.

بلوچی حال گروپ فیسبوک

مغربی بلوچستانءِ حال انگریزی زبانءَ نہ رسیت

مئے انگریزی بلاگ: www.baluchinews.com اِنت۔

بلوچی کلاساں نام نبیسگءِ جار

جار ۔اماراتءِ قومی روچءِ درگتا بلوچی دیوان

جار

تاکبند زبان ۔بحرینءِ جار

جار

زرمبش دستبندی کنت کہ امریکاءِ سفارتءِ دیما بیوکیں تظاھراتءَ بھر زیر ات

بلوچ استمانءِ سرا زوراکی برجاہ اَنت۔ شہ بنداتی آسراتی چوش کہ وانگ جاہ و استاد، درمان و دکتر، کار و روزگار، آب و برق، و دگراں زبھری وتی جاگہ ھست انت؛ پاکستان و ایرانی واک بلوچ جھدکاراں یکّوئی کُشگ و چگل دیگا اَنت۔ اے ملکاں شیرک کنوک دنیاءِ زنڈیں واک اَنت۔

خاص امریکاءِ برجاھیں کمک پاکستانءَ نہ ایوکا زندگ دارگا اِنت، ایشیءِ کشا پاکستان زوراک تر بیان اِنت و ھمے توانائیءَ پاکستان بلوچستانءِ سیاسی زرمبشءِ پروش دیگا کارمرز کنگا اِنت۔

آدگہ دیما ایرانی زوراکی بازیں میانملکی گل و ٹولیاں دنیاءِ واکانی دیما پاشک کتگ اَنت، بلہ ایرانءِ خلافا تانگہ ترندیں گامے چست کنگ نہ بیتگ۔

ھمے جاورانی نیمگا امریکا و دنیاءِ دلگوشا ترّینگءِ مقصدا ماں ناروےءِ بنجاھی شھر اسلوءَ امریکاءِ سفارتءِ دیما بلوچستانءِ راجی زرمبش تظاھراتےءَ سرکشی کنگا اِنت۔ ما شہ سرجمیں بلوچ، بلوچانی دوستواہ و انسانی حقانی پانکجناں دسبندی کنیں کہ تظاھراتا بھر بہ زیر اَنت۔

تظاھراتءِ رمس و وھد

رمس: شنبہ 8 اکتوبر 2011

وھد: کلاک 15 تانکہ 16

شمئے راھچار

بلوچستانءِ راجی زرمبش ۔ناروے

صبا دشتیاریء یادا دیوانء جار

صبا دشتیاریءِ شھادتءِ چلمّی روچءِ درگتا سرجمیں بلوچستانءِ شھیدانی روچ لندنءَ دارگ بیگا انت

ماں لندن جاھمنندیں سیاسی و چاگردی جھدکاراں شئور بستگ کہ بلوچستانء شھیدانی روچا صبا دشتیاریء شھادتء چلـّمی روچء درگتا برجاہ دار انت۔ اے یادگیری دیوانا برجاہ داروکیں سیاسی گلانی تها بلوچستانء راجی زرمبش، بلوچستانء آزادی لوٹوکیں ھؤربند، بلوچستانء استمانی گل و بلوچستانء ھوریں جبھہ انت۔ ایشانی کشا بلوچ انسانی حقانی پانکجنیں ھؤربند ھم گون انت۔

دیوانا برجاہ داروکیں گل و ھؤربنداں شہ سرجمیں بلوچاں دستبندی کتگ کہ پہ شھیدانی یادء زندگ دارگا دیوانا بھر بزیر انت۔

دیوانء باروا گيئشتر سرپدی اے مردمانی گورا رست کنت:

مسعود بلوچ

میر غلامحسین بلوچ

صمد بلوچ

عبداللہ بلوچ

دیوانجاہ و رمس چیرا داتگ انت۔
Venue: University of London Union Building, Room: 3E
Mallet Street, London WC1E 7HY
Tube: Russell Square, Euston Square
Date: 10 July 2011,
Time: 2.00 to 6.00 pm

ظھور شاہ ھاشمی لائبریری صبا دشتیاریء پرسی دیوانے برجاہ دارگا انت، و لائبریریء تھا 'صبا ڈسک' جوڑ کنگء فیصلہ

یاتی دیوانے په شهید صبا دشتیاری

یک جون 2011 میلادیءَ وهدے پروفسر صبا چہ وتی کارجاه -بلوچستان یونیورسٹی کوئٹهءَ دیم په لوگا روگا ات ناگهان جوریں تیرانی آماچ بیت. جنوک غیر چہ پاکستانءِ چیرین اداره بزان آئی اس آئی دگہ کس بیت نه کنت.

اے اولیگین رند نہ ات کہ بلوچ قوم چہ وتی بے مٹ و درورین زهگےءَ زبهر کنگ بیتگ. چہ سال 2004 بگر تاکہ مرچی مشرقی بلوچستانءَ نزدیک دو صد بلوچ سیاسی جهد کار، روشن خیال، وکیل، استاد و حالکارانی مسخ کتگیں لاش جنگل و دگانی سرا دور دیگ بیتگ انت. هزارانی دگہ بلوچ ورنا بے گواه کنگ بیتگ انت.

مغربی بلوچستانءَ هم حالت گهتر نہ انت. چہ سال 2004 تانکہ 2009 نزیک 1400 انسان من سرجمین ایران اعدام کنگ بیتگ انت و 55% چه اعدام بیتگان بلوچ بیتگ انت. با وجود اش کہ بلوچءِ مردمی آبادی ایرانءِ سرجمین آبادی دیما کساس 5% انت.

یک روچی رند چہ صباءِ شهید کنگا یک دگہ بلوچ جهد کارے بزان دکتر نسیم جنگیان تربتءَ شهید کنگ بیت.

شهید صبا یک ھنچنائیں انسانے نہ ات. آئیءِ دلا ایوکا آزاد بلوچستانءِ واهگ نہ ات؛ آئی زبردستین ندکار و شونکارے هم هست ات. ائیا 25 کتاب نبیستگ ات. شهیدا چہ وتی پگارءِ زران سید ظهورشاه هاشمی ناما یک کتابجاهے ماں ملیر جوڑ کتگ ات و کتابجاها 150000 مطابق کتاب ئی جہ وتی ماهانه پگارا جمع کتگ ات. شهید صباءَ وتی سرجمیں هست و نیست بلوچ قوم سرا ندر کتگ ات.

شھید صبا و آدگہ ھزارانی شھیدانی یادا سوئدءِ جاھمنندیں بلوچ یک دیوانے برجم دارگا انت۔ چہ سرجمیں بلوچ و بلوچ دوستاں دستبندی انت کہ گون وتی بهر زیرگا نمیرانیں شهیدانی یاداں زندگ بدار انت.

اے ردا گيئشتر سرپدی چہ چیرا داتگیں مردماں رست کنت.

محمد زین الدینی: 46/735307071

mohammadzainudini@gmail.com

مهم برهانزهی: 0764472161

دیوانء روچ 2011۔06 ۔19

وھد: 15 بیگاه

Odalvägen 30, Rissne, Sundbyberg (Stockholm) - Sweden 

صبا دشتیاریءِ جوڑ کتگیں قومی إدارہ -ظھورشاہ ھاشمی لائبریریءِ کارانی دیما برگا کمک کن إت: إنتظامیہ

کراچی (حالتاکی بیان) سید ھاشمی ریفرنس لائبریریءِ إنتظامیہءِ دیوانے رمضان بامریءِ پاگواجھیا برجم دارگ بیت۔ إنتظامی کمیٹی و لائبریریءِ بازیں باسکاں دیوانا بھر زرت۔ دیوانا لائبریریءِ کماش شھید صبا دشتیاریءِ جھد ساڑا إت۔

آواں گشت کہ صباءِ جھد إیوکا پہ بلوچ، بلوچی و بلوچستانءَ بیتگ۔ پہ ھمیشاں آئیا مدام جھد برجاہ داشتگ و ھمے پڑا جان ئی ندر کت۔ 

صبا دشتیاریءِ شھادتا رند لائبریریءِ دیما آتکگیں مالی، إنتظامی، پولکاری و علمی مشکل دیوانا چار إتنت. فیصلہ بیت کہ بلوچیالوجی بنجاھے جوڑ کنگءِ صبا دشتیاریءِ واھگءِ پیلو کنگا إنتظامیہ جھدا برجاہ داریت۔

دیوانا شہ بلوچ قومءِ ھستومنداں دستبندی کت کہ سید ھاشمی ریفرنس لائبریریءِ دروشما ھستیں دنیاءِ مزنتریں قومی إدارهءِ دارگ و رودم دیگا مالی کمک بہ کن أنت۔

ماتی زبانانی میانملکی روچءِ درگتا ماں اواریں ھنداں بلوچ مچّی کن انت

ماتی زبانانی میانملکی روچ 21 فروریءَ دنیاءِ دگہ زندگیں قومانی وڑا بلوچ ھم مچّی و سمنار برجم دارگا انت۔ اے ردا ماں کوئٹہ، تربت، گوادر و کراچی دیوان سرجم کنگ بنت۔

ماں کراچی بیوکیں دیوانءِ بند بست بلوچی تاکبند سچکانءِ جھدکاراں کتگ۔ اے دیوانا بلوچ کوّاس واجہ صبا دشتیاری، روچتاک انتخابءِ شونکار واجہ انور ساجدی، لبزانکی جھدکار واجہ اے آر داد، واجہ غنی پھوال، واجہ رزاق سربازی و لطیف بلوچ تران کن انت۔ دیوانءِ جارچیں بلوچی شاعر واجہ اسحاق خاموش انت۔

ایشی 21 فروریءَ ماں فٹبال ھاؤس، چاکیواڑہ کراچیءَ بیگاہ کلاک 3ءَ بندات بیت انت۔

بلوچستانءِ دیوان شہ نشنل پارٹیءِ نیمگا برجم دارگ بیگا انت۔ اے ردا روچتاک انتخابءَ شنگ بیتگیں حالا داتگ کہ ماتی زبانانی میانملکی روچءِ درگتا 21 فروریءَ ماں تربتءِ ھوٹلےءَ بیگاہ کلاک 3ءَ دیوانے برجم دارگ بیت انت۔ اواریں زبانزانت ماں اے دیوانا بھر زیرگءِ دعوت دیگ بیتگ انت۔

نشنل پارٹی گوادر ھنکینءِ جھدکار عابد رحیم سھرابی و حمید حاجیءِ سرکشّيا بلوچی زبانءِ اھمیتءِ سرحالا 'آر سی ڈی کونسل –گوادر'ءَ ھم دیوانے برجاہ دارگ بیت انت۔ اے دیوان بیگاہ کلاک 5 بنا بیت انت۔

اودا ماں کوئٹہ بیوکیں دیوانا ھم نشنل پارٹی سرجم کنائینگا انت۔ ایشی گلءِ بنجاھی کارگسا بیگا انت و بندات بیگءِ وھد ئی بیگاہ کلاک 3 انت۔

نشنل پارٹیءِ سرجم کنگ بیوکیں دیواناں بی اس او –پجّار ھؤرکاری کنگا انت۔ ھر دوئیں گلاں شہ بلوچاں ماں دیواناں بھر زیرگ دستبندی کتگ۔

ماتی زبانءِ میانملکی روچ 21 فروریءَ سمینار

برطانیائی بلوچ گوں وتی دوستواھاں ظاھری دی انت

ماں برطانیا جاھمنندیں بلوچ و آوانی دوستواھاں جار پرّینتگ کہ یکشنبہ 9 جنوریءَ ملکءِ سر وزیرءِ ماڑیءِ دیما ظاھری دی انت۔ ظاھریءِ مقصد بلوچ قومءِ سرا بیوکیں پاکستان و ایرانءِ زوراکیانی نیمگا برطانیائی واکانی دلگوشا ترّینگ انت۔

اے ردا شہ برطانیاءِ  سرکارا لوٹ کنگ بیت انت کہ وتی وسا دوئیں انسانکشیں ملکانی خلافا بلوچانی پلانگریا توار چست بہ کن انت۔

بیانے کہ شہ 'گاریں بلوچانی میانملکی توار' و 'بلوچستانءِ انسانی حقانی پانکجن' نامیں گلانی نیمگا تالان کنگ بیتگ، پدّر کنگا انت کہ بلوچستانءَ زور گروکیں ملک پاکستان و ایران یکـّوئی بلوچ جھدکاراں دستگیر کنگا انت۔ شہ دستگیریا پد آواں کشگا انت۔

ھر دوئیں گلاں شہ بلوچ و دگہ بلوچدوستیں ٹولیاں لوٹ کتگ کہ ظاھریا بھر بہ زیر انت و بلوچانی سرا بیوکیں زوراکیانی خلافا گوں آواں ھمتوار بہ بنت۔

ظاھریءِ جاگہ، روچ و ھد چیرا داتگ انت۔

Venue: 10 Downing Street (opposite British PM’s official residence) London, SW1A 2AA

Date & time: Sunday 9 January 2011, 2:00 pm – 4:00 pm

Nearest Tube station: Westminster

ماں امارات دودمانی دیوانے برجم دارگ بیگا انت

تاکبند 'بلوچ' شنگ بیت

رژن ایجوکیشن فاؤنڈیشن

بلوچی نیوزءِ گالگدار گوں نشنل پارٹیءِ سروک داکٹر عبدالمالک بلوچءَ ھمے زیتاں شنگ بیت۔

بلوچی نیوزءَ گوں نشنل پارٹیءِ سروک داکٹر عبدالمالک بلوچءَ ماں لندن گدار کت۔ شہ آئی نشنل پارٹی و بلوچستانءِ راجی جھدءِ باروا بازیں جست کنگ بیت انت و داکٹر عبدالمالک بلوچءَ جستانی سرجمیں پسو دات انت۔ بلوچی نیوز ھمے زیتاں وتی چاروکانی دیما اے گالگدارا شنگ کنت انت۔